Daaglikse vir die SIEL

Innerlike kennis

2010-06-17T23:54:00.000-07:00

Heilige God en liefdevolle Vader, in die stiltes by U ontvang ek ewige wysheid en heerlike inspirasie vir die lewe.

Wanneer jy in stilte bid en met God praat, ontvang jy uit genade wysheid om deur jou dag te kom. As jy wysheid nie reg aanwend nie of jy dink te veel van jouself of jy minag ander, sal wysheid op hou om wysheid te wees wanneer dit te trots word om te ween, te ernstig om te lag, te vol van jouself om die welsyn van ander te soek.

Vrede
Gabriel

Gal 2: 20

2010-06-16T23:28:00.000-07:00

...en nou is dit nie meer ek wat lewe nie, maar Christus wat in my lewe.

Moenie bedroef wees oor die verlede nie, dit kom nooit weer terug na jou toe nie. Verbeter die teenwoordige met wysheid; dit is joune. Gaan die skaduagtige toekoms met moed en 'n dapper hart tegemeot; God is reeds daar!

Vrede

Gabriel

Leer my U liefde, Here

2010-06-08T23:00:00.000-07:00

Ewige God van liefde, U is liefde! Leer my ook om waarlik lief te he. U is die Bron van alle ware en standhoudende liefde: wat liefde nie kan oplos nie; dat daar geen ongesteldhied is wat liefde nie kan genees nie; dat daar geen gaping van vervreemding is wat liefde nie kan oorbrug nie; dat daar geen misverstand is wat genoeg liefde nie kan oplos nie; dat daar geen muur van swye is wat liefde nie kan afbreek nie; dat daar geen sonde is wat die liefde nie kan vergeef nie. Liefdevolle Meester, deur u genade weet ons nou: Hoe hopeloos die uitsig ook al lyk, hoe dieplopend die verwydering ook al is, hoe aaklig die sonde ook al is; opregte liefde kan dit alles oplos. Leer my, Here Jesus, om lief te he soos U liefhet ... Suiwer my liefde, louter dit, al moet dit deur vuur heen, sodat ek in hierdie liefdelose wereld in weerkaatsing van u Goddelike liefde sal wees. In die Naam van Jesus Christus, wat sy kinders tot die einde toe liefgehad het. Amen

Lees 1Joh. 4: 4-8

Vrede
Gabriel

Uit liefde het U vir my gely

2010-06-02T22:32:00.000-07:00

God bewys sy liefde vir ons juis hierin dat Christus vir ons gesterf het toe ons nog sondaars was (Rom 5: 8)

Die volgende gebed het ek uit een van Solly Osrovech se boeke gekry. Ek plaas dit spesiaal vir daardie persone wat vandag en ander dae mismoedig is en God se nabyheid soek. Hierdie gebed sal jou laat besef dat God se liefde vir jou oneindig is.

Ek het U hartlik lief, o Heer! Ek strek in diepe afhanklikheid my hande na U toe uit. Sonder u bystand sal ek die pad vorentoe byster raak. Ek loof U vir al die ryke en onverdiende seeninge wat reeds uit u genadehand my toegeval het....
En vir die genade om my teespoed te verwerk. Ek het U hartlik lief, o Heer! U het my eerste lief gehad en om my ontwil gely: toe U in Betlehem mens geword het; toe U tussen ondankbare, skynheilige en ontroue mense geleef en gewerk het met liefde; toe U by Gabbata deur die wereldse regbank onskuldig veroordeel is; toe U in Getsemane om my ontwil bloed gesweet het. Ek het U hartlik lief, o Heer! U het die dood triomfantlik oorwin en 'n lee graf agtergelaat; U het verheerlik hemel toe gegaan om daar vir my te bid; U het u Heilige Gees gestuur om my te lei, te leer en te troos. Ek het U hartlik lief, o Heer! Lei my met die vaste wil in my hart om uit liefde u wil te doen, u Naam te verheerlik en tot u eer te leef, te werk en te bid. In die heerlike Naam van my Verlosser en Saligmaker, Jesus Christus. Amen

Met hierdie gebed vars in jou geheue, loof die Here en plaas alle probleme in sy hande, want Hy het jou lief.

Vrede

Gabriel

Sonder U is daar geen vrede

2010-05-20T22:32:00.000-07:00

Jes. 52: 7 - Hoe wonderlik klink op die berge die voetstappe van hom wat die goeie boodskap bring, wat vrede aankondig, wat die goeie tyding bring, wat redding aankondig, wat vir Sion se: "Jou God is Koning"

Genadige Vader, osn aanbid U as die God van vrede; Here Jesus, ons aanbid U as die Prins van vrede; Heilige Gees ons aanbid U as die Gees van vrede. Ons staan ootmoedig voor U ter wille van vrede op aarde. Ons het berou oor die onversoenlike gees van onvrede tussen mens en mens; tussen ras en ras, tuseen ouers en kinders, tussen man en vrou, maar veral tussen ons en U!
Gee aan ons U vrede wat alle verstand te bowe gaan. Weerhou die hand van die Bose: die radikales, die terroriste en die anargiste. Verander hulle harte deur u skeppende Heilige Gees. Suiwer ons liefde, Here, bewerkstellig in ons harte 'n gees van versoening en vrede. U woord se duidelik dat daar stryd en konflik sal wees, maar dit wys ook duidelik die pad na vrede vir ons aan. Ons weet in ons diepste wese dat daar buite U vir ons geen vrede is nie. Laat ons in U sagte voetstappe van vrede volg, Here Jesus. Ons dank U vir u Woord wat vir ons 'n lig werp op die donker pad. Maak ons gehoorsaam aan die eise van u Woord sodat ons vrede sal ontdek. Ons hef ons hande biddend tot U op: "Here, gee vrede in ons tyd!"

Vrede
Gabriel

Redes Waarom mense nie tot oorgawe kom nie

2010-05-11T22:46:00.000-07:00

1. Mense begryp nie werklik hoe groot God se liefde vir hulle is nie.
2. Hulle besef nie hoe sondig hulle is nie en is tevrede met hulle lewe.
3. Hulle is onwillig om met 'n spesifieke sonde in hulle lewe te breek.
4. Hulle is bang dat God dinge van hulle gaan vra wat hulle nie wil doen nie.
5. Hulle is onkundig oor al die geestelike rykdom wat God aan sy kinders gee.
6. Hulle bely dat sonde opstand teen God is, maar weet nog nie wat lewe is nie.
7. Hulle begryp nie wat die vernietigende krag van sonde in hulle lewe is nie.
8. Hulle twyfel of God regtig hul sonde sal vergewe.
9. Hulle vind die gedagte om as Christen te leef onaantreklik.
10. Hulle is bang dat hulle nie sal volhard nie.
11. Hulle sien nie die resultaat van die evangelie in die lewe van ander Christene nie.
12. Hulle glo nie regtig dat onbekeerde mense vir ewig verlore gaan nie.

Waar pas jy in? Antwoord jouself eerlik en doen iets daaraan.

Vrede
Gabriel

Die Evangelieboodskap

2010-05-10T01:44:00.000-07:00

God het ons goed geskep en Hy gee om vir ons. Daarom wil Hy he dat ons in 'n verhouding met Hom moet lewe. Maar ons het in opstand gekom teen God. Ons verontagsaam Hom. Ons sonde het 'n kloof tussen ons en God veroorsaak en daarmee is die verhouding tussen ons en God verbreek.

Die meeste mense is diep binne-in bewus van hierdie kloof tussen God en ons en hulle probeer daarom die kloof oorsteek deur goeie dade te doen, soos om behulpsaam te wees, kerk toe te gaan en geld te gee vir armes. Dit alles is goeie dinge en daar is niks mee verkeerd om dit te doen nie, maar die Bybel maak dit duidelik dat niemand deur wat hy/sy doen, God se vergifnis kan koop of die verhouding tussen God en hom/haar kan herstel nie.

God se regverdigheid eis dat die sonde gestraf moet word. Die straf wat ons verdien, is die dood, wat beteken dat ons geestelik dood is en vir ewig van God geskei is. Dit is maar 'n donker prentjie, maar die goeie nuus is dat God vir ons omgee. Hy is so lief vir ons dat Hy vir ons gedoen het wat ons self nooit sou kon regkry nie. Hy het 'n brug voorsien wat die kloof tussen ons en Hom oorsteek sodat ons vergifnis en herstel in ons verhouding met Hom kan kry.

God het die brug gebou deur na ons op aarde te kom as mens. Hier het Jesus gesterf om so in ons plek die straf (doodstraf) vir ons sonde te betaal. Dit is die boodskap van die Bybel en dit is die boodskap wat God wil he ons almal moet verstaan. Maar dit is nie genoeg dat ons hierdie dinge maar net weet of selfs net daarmee saamstem nie. Ons moet daarop reageer. God wil he ons moet ook oorbeweeg na die ander kant van die kloof.

Ons kan dit alleen doen as ons erken dat ons teen Hom in opstand is en dat ons sy vergifnis en leiding nodig het. Met ons sondes vergewe en ons skuld betaal, word ons verhouding met God herstel. Hierdeur word ons ook volkome opgeneem in sy familie as sy seun/dogter/man/vrou. Al wat nodig is, is om Christus se vergifnis en verlossing te aanvaar en die beheer van sy/haar lewe in God se hand oor te gee.

Vrede

Gabriel

Geloof uit die hart

2010-05-06T22:52:00.001-07:00

Vandag het ek iets uit die hart om te deel met julle. Die afgelope paar maande het ek met baie dinge geworstel. Die hoof beskuldigde was finansies. Ek is sonder vaste inkomste sedert Desember 2009. Elke maand skraap ek net net deur met die kommissies wat ek hier en daar verdien. Ja, julle sal se, ek het dan niks om oor te kla. Julle is reg, ek kla nie, ek wil hierdeur vir julle se dat as jy ten volle glo (in geloof staan met God) en glo dat God jou lewens bestuurder is, sal Hy voorsien soos Hy belowe het.

Ek kan uit die diepte van my hart getuig dat God het werklik aan my en my familie elke maand voorsien. Daardeur se ek nie ons het oorvloed nie, nee, God weet wat ons nodig het en Hy voorsien net wat ons nodig het. Ek is so dankbaar daarvoor dat, niks my anders kan oortuig, dat as dit nie vir my geloof in God en my familie se ondersteuning is nie, het julle nie hierdie stukkie nou gelees nie.

Die volgende teksvers bevestig net my geloof: Ps. 145: 16
U maak u hand oop en skenk u guns in oorvloed aan al wat leef.

Prys die Heer vir hierdie oorvloed.

Verde

Gabriel

Die Parakleet

2010-05-05T22:22:00.000-07:00

H F Kohlbrugge het die volgende gese:

Die Heilige Gees word die "Trooster" genoem omdat Hy mense wat uit die duister tronk van hulle bestaan na God verlang, uitlei na die lieflike lig van die genade, en omdat Hy altyd die regte, mees troostende woord, op die regte tyd spreek.

Vrede

Gabriel

Galasiers 2: 20

2010-05-04T22:43:00.000-07:00

Volgens Galasiers 2: 20:

Die filosowe van ouds het van die rede die alleenheerser van die mens gemaak en het alleen na haar geluister as arbiter van gedrag. Maar die Christelike filosofie skuif haar opsy en verklaar volkome onderdanigheid aan die Heilige Gees, sodat die individu nie langer leef en regeer nie.

Vrede

Gabriel

Deur die Heilige Gees geinspireer

2010-05-03T23:19:00.000-07:00

Cyril van Alexandrie het die volgende gese:

Een en almal van ons het dieselfde gees ontvang, dit is, die Heilige Gees. Ons is in 'n sin saamgevoeg met mekaar en met God, want as Christus, saam met die Vader en sy eie Gees in elkeen van ons kom woon, al is ons baie, is ons tog in die Heilige Gees een en onverdeeld. Hy bind die geeste van ons almal saam en laat ons voorkom soos een in Hom, want net soos die krag van Christus se vlees verenig tot een liggaam met die wat in Hom woon, dink ek dat op dieselfde manier die een en onverdeelde Gees van God, wat in almal woon, ons lei tot een geestelike eenheid.

Vrede

Gabriel

Deur die Heilige Gees geinspireer

2010-05-02T23:30:00.000-07:00

Gal 2: 19-20.
Maar wat my betref, deur die wet is ek vir die wet dood sodat ek vir God kan lewe: ek is saam met Christus gekruisig, en nou is dit nie meer ek wat lewe nie. Die lewe wat ek nou nog hier lewe, leef ek in die geloof in die Seun van God wat sy liefde vir my bewys het deur sy lewe vir my af te le.

Maak my u getuie

2010-04-27T22:44:00.000-07:00

Joh. 14: 26

Wanneer die Vader in my Naam die Voorspraak, die Heilige Gees, stuur, sal Hy julle alles leer en julle herinner aan alles wat Ek vir julle gese het.

Vrede

Gabriel

Opgestane Vors van die lewe

2010-04-20T22:28:00.000-07:00

God is ryk in barmhartigheid en het ons innig lief. Uit genade is julle gered! Ja, in Christus het Hy ons saam met Hom opgewek uit die dood en ons saam met hom 'n plek in die hemel gegee. (Ef. 2: 4-6)

Vrede

Gabriel

Leer my U beter ken

2010-04-14T22:31:00.000-07:00

Op. 4: 11

Here, ons God, U is waardig om die heerlikhid en die eer en die mag te ontvang omdat U alles geskep het, deur U wil het alles onstaan en is dit geskep.

Vrede

Gabriel

Herfsgebed

2010-04-12T22:19:00.000-07:00

Van die skepping van die wereld af kan 'n mens uit die werke van God duidelik aflei dat sy krag ewigdurend is en dat Hy waarlik God is. (Rom. 1: 20)

Dis herfs, Here my God, herfs wat so gou gekom het met sy rypheid en rykdom van blare- en kleureweelde. Die asemrowende skoonheid van u skepping bring 'n weemoedige pyn in ons hart. Waarom, Here? Omdat ons reeds so ver geloop en so min gevorder het? Dankie, Meester, vir geestelike groei en rypwording, wat uitloop op rustigheid en vervulling. Dankie vir die wete dat al vergaan die uiterlike mens, ons innerlike elke dag vernuwe word. Hierdie is ook 'n tyd van die jaar wanneer ons U as die Man van smarte op u lydensweg volg. In die herfs is dit soveel meer 'n werklikheid. U lyding was vir die wereld, ja, maar ook vir my. Dis reeds herfs en u kosbare belegging van bloed en trane het nog so weinig dividende in my lewe afgewerp. U het u lewe vir my afgele, al was ek dit nie werd nie. In diepe dankbaarheid wy ek opnuut my gees en my liggaam. Laat my, o Vader, u liefde in Christus se lyding sien en laat die wereldgesindheid soos herfsblare van my lewe afval. Lei my in hierdie tyd in die lig van u vriendelike aangesig. AMEN

Vrede

Gabriel

(Gebed uit die boek: Gebede vir jou lewenspad, Solly Ozrovech)

'n Deurslaggewende vraag

2010-04-11T22:42:00.000-07:00

Hoe wonderlik is dit om seker te wees van jou geloof! Hoe wonderlik om lidmaat van'n kerk te wees wat die vrye genade van God predik, met Christus as die hoop vir sondaars! As ons op ons weke moes vertrou, wat sou van ons geword het?

Vrede

Gabriel

Die Kruis

2010-04-08T23:13:00.000-07:00

Die kruis is God se waarheid omtrent onsself en daarom is dit die enigste waarheid wat ons eerlik kan maak. Wanneer ons die kruis ken, is ons nie meer bang vir die waarheid nie.

God het sy liefde vir ons aan die kruis bewys. Toe Christus daar gehang, gebloei en gesterf het, was dit God wat vir die wereld gese het: "Ek het jou lief!"

Vrede

Gabriel

Ons Groot Geneesheer

2010-04-07T23:31:00.000-07:00

Bly standvastig in die geloof(1 Pet. 5:9)

Here Jesus, ons aanbid U as die groot geneesheer. Gee ons moet, blymoedigheid en vrede om gesond te lewe. Dankie vir u onfeilbare Woord wat aan ons die herhaalde versekering gee dat U oor ons waak as almagtige God en dat Jesus Christus vir ons siektes versoening gedoen het. Bevry ons van die vrees van siekte en ongesondheid en laat ons soos vrygemaaktes lewe. En wanneer ons liggaam aan 'n siekte blootgestel is, help ons om in die gesindheid van Jesus te se: U wil geskied! AMEN.

(Uit Solly Ozrovech se boek: Gebede vir jou lewenspad)

Vrede

Gabriel

'n Rotsvaste Geloof

2010-04-07T01:03:00.000-07:00

Om te glo is om seker te wees van die dinge wat ons hoop, om oortuig te wees van die dinge wat ons nie sien nie (Heb.11: 1)

Almagtige God en deur Jesus Christus, onse hemelse Vader, vergewe uit genade ons beperkte begrip van die Ewige, ons twyfel en suspisie waarmee ons die hart van God bevraagteken. Ons het so min geloof: gee ons asseblief meer daarvan. Ons glo in mekaar, in banke, in treine en vliegtuie, aan vreemdelinge wat ons in huurmotors vervoer. Vergewe ons dubbelhartigheid, o Heer, dat ons glo in mense wat ons nie ken nie, en tog so traag is om geloof in U, ons almagtige God, te he. Ons bring soveel ellende deur ons ongeloof oor onsself. Wil U daardie geloof aan ons gee wat ons in die bank van u liefde kan deponeer, sodat ons die dividende kan ontvang wat U so gretig is om aan ons te gee! Ons wil so graag glo, Here, soos al die groot geloofreuse: Abraham, Moses, Daniel, Noag, Barak, Debora, Dawid en die hele heldegalery van Hebreers 11. Ons misluk so dikwels in ons geloofslewe, Here Jesus; daarom pleit ons: Kom ons ongeloof tot hulp! Maak ons rotsvas in ons geloof omdat dit gegrond is op die Rots van die eeue! Dankie vir gewone mense wat elke dag geloofsdade verrig. In die Naam van Jesus, ons Geloofsversterker.

Hierdie gebed kom uit Gebede vir jou Lewenspad deur Solly Ozrovech

Vrede

Gabriel

Dag 39 - Lukas 23: 44-56

2010-04-03T03:36:00.000-07:00

55. Die vroue wat saam met Jesus vanaf Galilea gekom het, het agternagekom en die rotsgraf gesien, asook hoe sy liggaam daarin neergele word.
56. Daarna het hulle teruggedraai huis toe om die aromatiese olie en speserye te gaan voorberei. Op die Sabbat het hulle gerus volgens die gebod van die wet.

Vrede

Gabriel

Dag 38 - Lukas 23: 54

2010-04-03T03:33:00.000-07:00

Op die dag van voorbereiding het hulle Jesus begrawe.

54. Dit was die Vrydagmiddag laat, die tyd van voorbereiding vir die naderende Sabbat.

Vrede

Gabriel

Dag 37 - Lukas 23: 48-49

2010-04-03T03:29:00.000-07:00

48. Al die skares wat saamgedrom het vir hierdie skouspel en gesien het wat alles gebeur het, het as teken van rou op hulle bors geslaan en huis toe gegaan.
49. Maar Jesus se vriende, asook die vroue wat Hom van Galilea af gevolg het, het op'n afstand bly staan en al hierdie dinge aanskou.

Vrede
Gabriel

Dag 36 - Lukas 23: 47

2010-04-03T03:27:00.000-07:00

47. Toe die Romeinse offisier sien wat gebeur het, het hy God geloof en gese: "Hierdie man was regtig regverdig."

Vrede
Gabriel

Dag 35 - Lukas 23: 46

2010-04-03T03:24:00.000-07:00

46. Met 'n harde stem het Jesus uitgeroep: "Vader, in u hande gee Ek my gees oor!" Nadat Hy dit gese het, het Hy sy asem uitgeblaas.

Vrede
Gabriel

Dag 34 - Lukas 23:45b

2010-04-03T03:23:00.000-07:00

45b. ....en die swaar gordyn van die tempel het middeldeur geskeur.

Vrede

Gabriel

Dag 33 - Lukas 23: 44-45a

2010-04-03T03:19:00.000-07:00

Jesus van Naseret, die Seun van God, sterf.

44. Teen ongeveer 12 het duisternis toegesak oor die hele land tot drie uur toe.
45a. Die son is uitgedoof.....

Vrede
Gabriel

Dag 32 - Lukas 23: 40-43

2010-04-03T03:14:00.000-07:00

40. Die ander een het hom egter bestraf en gese: "Het jy ook nie respek vir God nie, alhoewel jy dieselfde straf as hierdie man ondergaan!
41. Ons het dit terdee verdien, want ons ontvang straf vir die dinge wat ons gedoen het. Hierdie man het niks verkeerd gedoen nie."
42. Hy het verder gese:"Jesus, onthou my asseblief wanneer U in u koningkryk kom."
43. Jesus se antwoord was: "Ek verseker jou, jy sal vandag nog saam met My in die paradys wees."

Vrede

Gabriel

Dag 31 - Lukas 23: 39

2010-04-03T03:11:00.001-07:00

39. Een van die misdadigers wat daar gehang is, het Jesus aanhou beledig deur te se: "Is jy dan nie die Messias nie? Red jouself en ook vir ons!"

Vrede
Gabriel

Dag 30 - Lukas 23: 38

2010-04-03T02:57:00.000-07:00

38. Daar was ook 'n kennisgewing bokant Jesus se kop: "Dit is Jesus, die Koning van die Jode."

Vrede
Gabriel

Dag 29 - Lukas 23: 36-37 (Deel 4)

2010-03-17T23:36:00.000-07:00

Vroue en baie ander se belewenis van die kruisiging.

36. Ook die soldate het vorentoe beweeg en Jesus gespot. Hulle het vir Hom asynwyn aangebied
37. en gese: "As jy die Koning van die Jode is, red jouself."

Vrede

Gabriel

Dag 28 - Lukas 23: 35 (Deel 3)

2010-03-17T23:31:00.000-07:00

Vroue en baie ander se belewenis van die kruisiging.

35. Die volk het net daar gestaan en toegekyk. En die leiers het aangehou om Hom te bespot met die woorde: "Ander het Hy gered. Laat Hy homself red as Hy die Messias, die uitverkorene van God is!"

Vrede

Gabriel

Dag 27 - Lukas 23: 32-34 (Deel 2)

2010-03-17T23:25:00.000-07:00

Vroue en baie ander se belewenis van die kruisiging.

32. Twee ander misdadigers is ook saam met Jesus weggelei om tereggestel te word.
33. Toe hulle by die plek aankom wat Kopbeen genoem word, het hulle Jesus daar gekruisig, asook die misdadigers - een aan Jesus se regter- en een aan sy linkerkant.
34. Daarop het Jesus gese: "Vader, vergewe hulle, want hulle besef nie wat hulle doen nie!" Hulle het ook sy klere verdeel deur die lot te werp.

Vrede

Gabriel

Dag 26 - Lukas 23: 26-31 (Deel 1)

2010-03-17T23:13:00.000-07:00

Vroue en baie ander se belewenis van die kruisiging.

26. Terwyl hulle besig was om Jesus weg te lei, het hulle 'n sekere Simon van Sirene, wat van buite die stad af gekom het, geforseer om die kruis agter Jesus aan te dra.
27. 'n Groot menigte van die volk het Jesus gevolg, ook vroue wat op hulle bors geslaan en oor Hom gehuil het.
28. Jesus het agtertoe, na hulle kant toe, gedraai en gese: "Dogters van Jerusalem, moenie oor My huil nie; huil liewer oor julle self en julle kinders
29. omdat daar dae kom wanneer hulle sal se: 'Gelukkig is die onvrugbare vroue; asook die moederskote wat nog nie 'n kind in die wereld gebring het nie, sowel as die borste wat nog nooit gevoed het nie.'
30. Dit is dan wat hulle aan die berge sal begin se: "Val op ons!' en aan die heuwels: 'Bedek ons!'
31. "As hulle hierdie dinge aan 'n groen boom doen, wat sal dan met die droe gebeur?"

Vrede

Gabriel

Dag 25 - Lukas 23: 13-20 (Deel 3)

2010-03-17T23:01:00.000-07:00

Die Koning bevetig sy koningskap voor Pilatus

13. Daarna het Pilatus die leierpriesters en die volksleiers bymekaargeroep
14. en aan hulle gese: "Julle het hierdie man voor my gebring as iemand wat die volk opgesweep het om te rebelleer. Ek het hom voor julle oe ondervra en ek het geen gronde gekry vir die aanklag waarvan julle hom beskuldig nie.
15. Herodes het ook nie gronde gekry nie, want hy het hom teruggestuur na ons toe. Let daarop, hy het niks gedoen wat die doodstraf verdien nie.
16. Nadat ek hom laat gesel het, sal ek hom vrylaat."
18. Hulle het egter saam met die menigte uitgekreet: "Weg met hom! Laat Barabbas vir ons los!"
19. (Barabbas was in die tronk gegooi oor 'n oproer in die stad en oor 'n moord.)
20. Pilatus het weer met hulle gaan redeneer omdat hy Jesus wou vrylaat,

Vrede

Gabriel

Dag 24 - Lukas 23: 6-12 (Deel 2)

2010-03-16T22:28:00.000-07:00

Die Koning bevestig sy koningskap voor Pilatus.

6. Toe Pilatus dit hoor, het hy probeer uitvind of die man dan 'n Galileer is.
7. Nadat hy hom daarvan vergewis het dat Jesus wel uit die gebied afkomstig is wat onder Herodes se beheer val, het hy Jesus na Herodus toe gestuur, wat juis gedurende daardie tyd in Jerusalem was.
8. Herodes was baie opgewonde om Jesus te sien. Hy het al vir 'n lang tyd die begeerte gehad om Jesus te sien omdat hy soveel van Hom gehoor het. Hy het ook gehoop om een of ander wonderteken te sien wat deur Jesus se toedoen gebeur.
9. Hy het Jesus vraag op vraag gevra, maar Hy het hom niks geantwoord nie.
10. Die leierpriesters en die skrifkenners het daar gestaan en Jesus heftig beskuldig.
11. Herodes, saam met sy soldate, het Jesus met veragting bespot. Hy het Hom 'n blink kleed aangetrek en Jesus teruggestuur na Pilatus toe.
12. Op daardie dag het Herodes en Pilatus mekaar se vriende geword, want vroeer was hulle vyande.

Vrede

Gabriel

Dag 23 - Lukas 23: 1-5 (deel 1)

2010-03-15T22:20:00.000-07:00

Die Koning bevestig sy koningskap voor Pilatus.

1. Die hele vergadering het opgestaan en Jesus voor Pilatus gebring.
2. Hulle het dadelik 'n aanklag teen Hom begin voorle: "Ons het bevind dat hierdie man ons volk opsweep; hy verbied hulle om belasting te betaal, terwyl Hy beweer dat Hy self die Messias, die Koning is."
3. Pilatus het Hom toe gevra: "Is Jy die Koning van die Jode?" Jesus het toe geantwoord: "Dit is soos u se."
4. Daarop het Pilatus aan die leierpriesters en die skare gese: "Ek vind niks krimineels in hierdie man nie."
5. Hulle het opgesweep geraak en aanhou roep: "Hy hits deur sy onderrig die volk aan dwarsdeur die hele Judea. Hy het in Galilea begin en tot hier gevorder."

Vrede

Gabriel

Dag 22 - Lukas 22: 66-71

2010-03-14T22:35:00.000-07:00

Vroegoggend en die Joodse Raad besluit oor'n aanklag.

66. Toe die nuwe dag breek, het die volksleiers, dit is die leierpriesters en skrifgeleerdes, saamgekom en hulle het Jesus voor die Joodse Raad laat bring.
67. Hulle se toe: "As jy die Mesias is, se dit vir ons." Hy het hulle geantwoord: "As Ek dit vir julle sou se, sal julle My glad nie glo nie.
68. Al sou Ek ook 'n vraag stel, sal julle dit nie antwoord nie.
69. Maar van nou af sal Ek, die Seun van die Mens, aan die regterhand van die krag van God sit."
70. Toe vra hulle almal: "Is Jy dan die Seun van God?" Hy antwoord hulle: "Dit is soos julle se - Ek is."
71. Die reaksie was: "Waarom het ons dan nog getuienis nodig? Ons het dit mos nou self uit sy eie mond gehoor!"

Vrede

Gabriel

Dag 21 - Lukas 22: 63-65

2010-03-12T23:41:00.000-08:00

Petrus ontken sy Leermeester, net soos Jesus voorspel het (vervolg)

63. Die soldate wat Jesus bewaak het, het Hom gekoggel en geslaan.
64. Hulle het Hom geblinddoek en aanhou se: "Profeteer wie dit is wat jou geslaan het!"
65. Hulle het Hom belaster deur baie ander dinge teen Hom kwyt te raak.

Vrede

Gabriel

Dag 20 - Lukas 22: 54-62

2010-03-12T23:23:00.001-08:00

Petrus ontken sy Leermeester, net soos Jesus voorspel het.

54. Nadat hulle Jesus toe gearresteer het, het hulle Hom weggelei en in die huis van die hoofpriester ingebring. Petrus het op 'n afstand gevolg.
55. In die middel van die binnehof was daar 'n vuur wat knetterend gebrand het, met mense wat rondom dit sit. Petrus het tussen die mense gaan sit.
56. 'n Sekere diensmeisie het hom raakgesien waar hy in die vlammegloed sigbaar gesit het. Nadat sy hom goed uitgekyk het, se sy: "Hy was ook saam met daardie man."
57. Petrus het dit egter heftig ontken: "Vrou, ek ken Hom glad nie!"
58. 'n Rukkie later merk iemand anders hom op en se: "Hy is mos ook uit hulle geledere." Petrus se reaksie was: "Man, ek is beslis nie!"
59. Na 'n tussenpose van ongeveer 'n uur het 'n ander persoon ferm bevestig: "Dit staan vas, hierdie man was sowaar ook saam met Hom; hy is mos ook 'n Galileer."
60. Petrus het geantwoord: "Man, ek het nie die vaagste benul waarvan jy praat nie!" Eensklaps, terwyl hy nog besig is om te praat, het daar 'n haan gekraai.
61. Die Here het omgedraai en Petrus stip aangekyk. Petrus het die Here se woorde onthou toe Hy aan hom gese het: "Voordat die haan nog vannag kraai, sal jy drie keer ontken dat jy My ken."
62. En hy het buitetoe gegaan en onbedaarlik gehuil.

Vrede

Gabriel

Dag 19 - Lukas 22: 47-53

2010-03-11T21:28:00.000-08:00

Judas ae verradelike soen sit die finale proses aan die gang.

47 Terwyl Jesus nog besig was om te praat, het 'n skare bymekaargekom. Die man wat Judas genoem word, een van die twaalf, het voor die mense uitgeloop en al nader aan Jesus gekom om Hom te soengroet.
48. Jesus het gereageer: "Judas, lewer jy die Seun van die Mens uit met 'n soen?"
49. Toe die wat saam met Jesus daar was, besef wat met Hom gaan gebeur, vra hulle: "Here, moet ons hulle met die swaard te lyf gaan?"
50. Een uit hulle geledere het toe na die slaaf van die hoofpriester gekap en sy regteroor getref.
51. Maar Jesus het gereageer: "Hou dadelik op hiermee!" Daarna het Hy die oor aangeraak en dit gesond gemaak.
52. Jesus het toe aan die leierpriesters en die bevelvoerders van die tempelwag en die familiehoofde wat teen Hom aangetree het, gese: "Het julle opgetrek met swaarde en stokke, soos teen 'n rower?
53. Ek was daagliks saam met julle in die tempel, en tog het julle My nie gearresteer nie. Maar hierdie is nou julle tyd, die tyd van die mag van die duisternis."

Vrede

Gabriel

Dag 18 - Lukas 22: 43-46

2010-03-10T22:06:00.000-08:00

Jesus worstel in gebed met sy Vader (vervolg)

43. Daar het 'n engel uit die hemel aan Jesus verskyn en Hom versterk.
44. Terwyl Hy intense angs beleef, het Jesus nog ernstiger gebid. Sy sweet het soos druppels bloed geword wat op die grond drup.
45. Nadat Jesus uit die gebedshouding opgestaan het en by die dissipels gekom het, kry Hy hulle aan die slaap, gedreineer deur die hartseer.
46. Hy se toe vir hulle: "Waarom is julle aan die slaap? Staan op en bid dat julle nie aan versoeking toegee nie."

Vrede

Gabriel

Dag 17 - Lukas 22: 39-42

2010-03-09T21:32:00.001-08:00

Jesus worstel in gebed met sy Vader.

39. Jesus het uit die stad gegaan na die Olyfberg, soos Hy gewoond was om te doen. En die dissipels het Hom gevolg.
40. Toe Hy op 'n sekere plek kom, se Hy vir hulle: "Hou aan bid dat julle nie in versoeking beland nie."
41. Jesus het Hom toe van hulle afgesonder, ongeveer 'n klipgooi ver. Daar het Hy gekniel en gebid:
42. "Vader, as U wil, neem hierdie beker van My af weg. Laat nogtans nie my wil nie, maar U wil geld!"

Vrede

Gabriel

Dag 17 - Lukas 22: 39-42

2010-03-09T21:32:00.000-08:00

Dag 16 - Lukas 22: 21-23

2010-03-09T21:22:00.000-08:00

Die laaste paasmaaltyd word genuttig. (vervolg)

21. "Maar kyk, die hand van die man wat my uitlewer, is saam met My aan tafel.
22. Met die Seun van die Mens sal dit gaan volgens die beskikking van God, maar groot ellende wag op hom deur wie Hy uitgelewer word!"
23. Toe het die dissipels mekaar begin vra wie van hulle dit tog sou kon wees wat so iets sou doen.

Vrede

Gabriel

Dag 15 - Lukas 22: 14-20

2010-03-07T21:51:00.000-08:00

Die laaste paasmaaltyd word genuttig.

14. Toe die tyd aangebreek het, het Jesus vir die ete aangesit en die apostels saam met Hom.
15. Hy se toe vir hulle: "Ek het ernstig daarna uitgesien om hierdie paasete saam met julle te eet voordat Ek ly.
16. Want Ek se vir julle, Ek sal dit beslis nie weer eet voordat dit binne die koningsheerskappy van God Sy volle vervulling gekry het nie."
17. Daarna het Jesus 'n beker geneem, 'n dankgebed uitgespreek en verder gese: "Neem dit en deel dit onder mekaar.
18. Want ek se vir julle, Ek sal beslis van nou af nie weer van die vrug van die druiwestok drink voordat die koningsheerskappy van God ten volle gekom het nie."
19. Jesus het ook brood geneem, 'n dankgebed uitgespreek, dit in stukke gebreek en vir hulle gegee terwyl Hy se: "Dit is my liggaam wat ter wille van julle gegee word. Gebruik dit ter herinnering aan MY."
20. Hy het dieselfde gedoen met die beker na die ete en gese: "Hierdie beker is die nuwe verbond, bevestig deur my bloed, wat ter wille van julle uitgegiet word.

Vrede

Gabriel

Dag 14 - Lukas 22: 1-6

2010-03-04T23:36:00.000-08:00

Judas onderneem om Jesus uit te lewer.

22: 1. Die Fees van die Ongesuurde Brood, wat ook Pasga genoem word, was baie naby.
2. Die leierpriesters en die skrifkenners het steeds bly soek na 'n subtiele manier om van Jesus ontslae te raak, want hulle was bang vir die volk.
3. Satan het reeds in Judas, wat Iskariot genoem is, een van die twaalf, ingevaar.
4. Hy het weggegaan om te onderhandel met die leierpriesters en die bevelvoerders van die tempelwag oor hoe hy Jesus aan hulle sou uitlewer.
5. Hulle was opgewonde en het ooreengekom om geld aan hom te gee.
6. Judas het ten volle ingestem en na 'n gunstige geleentheid gesoek om Jesus uit te lewer waar die skares nie teenwoordig is nie.

Vrede

Gabriel

Dag 13 - Lukas 20: 13-18

2010-03-04T23:23:00.000-08:00

Voorbeeld van die slegte druiweboere.
13. "Toe se die eienaar van die wingerd: 'Wat staan my nou te doen? Ek sal my lieflingseun stuur. Hopelike sal hulle hom met respek bejeen.'
14. "Toe die boerre hom egter sien, het hulle onder mekaar beraadslag en gese: 'Hierdie man is die erfgenaam. laat ons hom doodmaak sodat die erfenis ons s'n kan wees.'
15. Hulle het hom toe ook uit die wingerd gegooi en vermoor. "Wat moet die eienaar van die wingerd dan meer met hulle doen?
16. Hy sal opdaag en daardie boere doodmaak en die wingerd aan die ander mense gee." Die mense wat dit gehoor het, se toe: "Nee, dit mag nooit gebeur nie!"
17. Jesus het hulle stip aangekyk en gese: "Wat is die betekenis van hierdie Skrifwoord dan? ' Juis daardie klip wat die bouers afgekeur het, het die hoekklip van die gebou geword.'
18. Elkeen wat op daardie klip val, sal verpletter word; elkeen op wie hy val, sal vergruis word."

Vrede

Gabriel

Dag 12 - Lukas 18: 31-34

2010-03-04T23:16:00.000-08:00

Jesus praat weer oor sy toekomstige dood.

31. Jesus het die twaalf eenkant geneem en vir hulle gese: "Let daarop, ons gaan nou Jerusalem toe en alles wat deur die profete opgeteken is oor die Seun van die Mens, sal volledig vervul word.
32. Hy sal uitgelewer word aan die heidene en bespot, beledig en ook op gespoeg word.
33. En nadat hulle Hom gegesel het, sal hulle Hom doodmaak. Op die derde dag sal Hy egter weer opstaan."
34. Hulle het egter niks hiervan verstaan nie. Hierdie verduideliking was vir hulle verberg en hulle het nie begryp wat Hy se nie.

Vrede

Gabriel

Dag 11 - Lukas 13: 34-35

2010-03-04T00:01:00.001-08:00

Jesus huil oor sy geliefde Jerusalem

34. "O Jerusalem, Jerusalem, stad wat profete doodmaak en God se boodskappers stenig! Hoe dikwels wou Ek jou kinders bymekaar maak soos 'n hen wat haar kuikens onder haar vlerke beskerm, maar julle wou My nie toelaat nie.
35. En kyk nou, julle huis word vir julle leeg agtergelaat. En julle sal My nie weer sien nie totdat julle se: 'Geseend is die een wat in die Naam van die Here kom!'"

Vrede

Gabriel

Dag 10 - Lukas 13: 14-17

2010-03-02T22:08:00.000-08:00

'n Kromgetrekte vrou kan weer regop staan.

14. Maar die hoof van die sinagoge was verontwaardig dat Jesus haar op die Sabbatdag genees het. "Daar is ses dae van die week om te werk," het hy vir die skare gese. "Kom op daardie dae om genees te word, nie op die Sabbat nie."
15. Maar die Here antwoord: "Jou huigelaar! Jy werk op die Sabbatdag! Maak jy nie op die Sabatdag jou os of donkie los in die stal en lei hom uit om te drink nie?
16. Was dit nie vir my nodig, selfs op die Sabbatdag, om hierdie arme vrou te bevry van die gevangenskap waarin Satan haar vir agtien jaar gehou het nie?"
17. Dit het sy vyande laat skaam kry. En al die mense was verheug oor die wonderlike dinge wat Hy gedoen het.

Vrede

Gabriel

Dag 9 - Lukas 12: 49-53

2010-03-01T21:32:00.000-08:00

Jesus se koms bring ook stryd en verdeeldheid

49. "Ek het gekom om vuur op die aarde te bring en Ek wens dat my taak al afgehandel was!
50. Daar le 'n vreeslike doop vir My voor, en Ek is onder 'n swaar las totdat dit volvoer is.
51. Dink julle Ek het gekom om vrede op aarde te bring? Nee, Ek het gekom om stryd en verdeeldheid te bring!
52. Van nou af sal gesinne verdeeld wees, drie ten gunste van My en twee teen MY, of anders om.
53. Daar sal verdeling wees tussen pa en seun, ma en dogter, skoonma en skoondogter."

Dag 8 - Lukas 11: 14-16

2010-02-28T22:14:00.000-08:00

14. Eendag het Jesus 'n bose gees uit 'n man uitgedryf wat nie kon praat nie, en die man se stem het teruggekeer. Die skare was verstom,
15. maar sommige het gese: "Geen wonder Hy kan bose geeste uitdryf nie. Hy kry sy krag van Satan, die prins van die bose geeste!"
16. Om Jesus te toets het ander vir 'n wonderteken uit die hemel gevra om te sien of Hy van God kom.

Vrede

Gabriel

Dag 7 - Lukas 9: 41-45

2010-02-28T22:04:00.000-08:00

41. "Julle ontaarde en ongelowige mense!" het Jesus gese. "Hoe lank moet Ek nog by julle wees en julle verdra? Bring hom hier."
42. Terwyl die seun vorentoe kom, het die gees hom platgeslaan en hom hewige stuiptrekkings laat kry. Maar Jesus het die bose gees gestraf en die seun gesond gemaak. Toe het Hy hom aan sy pa teruggegee.
43. Die mense was verslae toe hulle hierdie wonderbaarlike uiting van God se krag sien.
Terwyl almal verbaas was oor al die wonderlike dinge wat Hy doen, het Jesus vir sy dissipels gese:
44. "Luister na My en onthou wat Ek se. Ek, die Seun van die Mens, gaan uitgelewer word."
45. Maar hulle het nie verstaan wat Hy bedoel nie. Die belang van wat Hy gese het, was vir hulle verborge. Daarom het hulle nie begryp nie en was huiwerig om Hom daaroor uit te vra.

Vrede

Gabriel

Dag 6 - Lukas 9: 18 - 22

2010-02-28T21:56:00.000-08:00

18. Eendag na Jesus alleen in gebed was, het Hy na sy dissipels gekom en gevra: "Wie se die mense is Ek?"
19. "Wel," het hulle geantwoord, "sommige se Johannes die Doper, Sommige se Elia, en ander se U is een van die vroeere profete wat uit die dood opgestaan het."
20. Toe vra Hy vir hulle: "Wie, se julle is Ek?" Petrus het geantwoord: "U is die Messias wat deur God gestuur is!"
21. Jesus het hulle gewaarsku om dit vir niemand te vertel nie.
22. "Want Ek, die Seun van die Mens, moet baie vreeslike dinge ly," het Hy gese. "Ek sal deur die familiehoofde verwerp word, die leierpriesters en die skrifkenners. Ek sal doodgemaak word, maar drie dae later sal Ek uit die dood opgewek word."

Vrede

Gabriel

Dag 5 - Lukas 8: 35-37

2010-02-25T21:42:00.000-08:00

35. Daar het gou 'n skare rondom Jesus vergader, want hulle wou self sien wat gebeur het. Hulle het die man wat voorheen van duiwels besete was, by Jesus se voete sien sit, geklee en by sy volle verstand; en die hele skare het bang geword.
36. Toe het die mense wat gesien het wat gebeur het, die ander vertel hoe die duiwelbesete man genees is.
37. en al die mense in daardie omgewing het Jesus gesmeek om weg te gaan en hulle te los, want groot vrees het hulle beetgepak. Jesus het toe na die skuit teruggegaan en na die oorkant van die meer vertrek,

Vrede

Gabriel

Dag 4 - Lukas 8: 22-25

2010-02-24T21:50:00.000-08:00

22. Eendag het Jesus vir sy dissipels gese: "Kom ons vaar oor na die ander kant van die meer." Hulle het in 'n skuit geklim en begin oorvaar.
23. Oppad oorkant toe het Jesus gaan le om te slaap, en terwyl Hy slaap, het die wind begin opsteek. 'n Hewige storm het losgebars wat hulle wou laat ondergaan. Hulle was in lewensgevaar.
24. Die dissipels het Hom wakkergeskud en geskree: "Leermeester, ons gaan verdrink!" Jesus het die wind en siedende golwe bestraf. Die storm het bedaar en alles was weer kalm.
25. Toe vra Hy vir hulle: "Waar is julle geloof?" En hulle was vervul met ontsag en verbasing. Hulle het vir mekaar gese: "Wie is hierdie Man dat selfs die wind en die golwe Hom gehoorsaam?"

Vrede

Gabriel

Dag 3 - Lukas 7: 31-35

2010-02-23T21:38:00.000-08:00

31. "Hoe sal Ek hierdie geslag mense beskryf?" het Jesus gevra. "Waarmee sal Ek hulle vergelyk? 32. Hulle is soos 'n groep kinders wat 'n spel op die dorpsplein speel. Hulle kla teenoor hulle vriende:

'Ons het vir julle 'n bruilofslied gespeel, maar julle wou nie dans nie.
Ons het 'n begrafnislied gesing, maar julle het geweier om te huil.'

33. Want Johannes die Doper het nie wyn gedrink nie en dikwels gewas, en julle se: 'Hy is van die duiwel besete.' 34. En Ek, die Seun van die Mens, eet en drink, en julle se: 'Hy is 'n vraat en 'n dronkaard, en 'n vriend van die slegte soort sondaars!' 35. Maar wysheid kom tot sy reg in die lewe van hulle wat dit navolg."

Dag 2 - Lukas 4: 20-21, 28-30

2010-02-22T21:47:00.000-08:00

20. "Hy het die rol opgerol, dit aan die amptenaar teruggegee en gaan sit. Almal in die sinagoge het stip na Hom gekyk. 21. Toe se Hy: "Hierdie SKrif is vandag voor julle oe bewaarheid!""

28. "Toe die mense van die sinagoge dit hoor, was hulle woedend". 29. Hulle het opgespring, Hom omsingel en Hom uit die dorp geneem tot op die rand van die berg waarop hulle dorp gebou was. Hulle wou Hom oor die krans stoot, 30. maar Hy het tussen die skare deurgeglip en weggegaan.

Vrede

Gabriel

Dag 1 - Lukas 2: 34-35

2010-02-21T22:04:00.000-08:00

Simeon staan by wanneer Jesus aan die Here gewy word.

34. "Toe het Simeon hulle geseen en vir Maria gese: "Hierdie Kind sal deur baie in Israel verwerp word, tot hulle eie nadeel. Maar Hy sal die grootste vreugde wees vir baie ander. 35. So sal die diepste gedagtes van baie harte bekend word. Maar wat jou betref - daar sal 'n swaard deur jou siel gaan"

Ons is nou in die lydenstyd voor Paastyd. Dus sal die stukkies hopelik vir julle iets beteken die volgende klompie dae. Ons as gemeente ontvang die verse en ek het besluit om dit met julle te deel.

Vrede

Gabriel

Ons groot God en wonderlike Vader

2010-02-18T21:52:00.001-08:00

Ek gaan die week afsluit met een van Solly Ozrovech se gebed uit Gebede vir jou lewenspad (Binnekamergesprekke met God)

Wanneer julle bid, moet julle nie soos die heidene 'n stortvloed van woorde gebruik nie. Moet dan nie soos hulle maak nie, want julle Vader weet wat julle nodig het, nog voordat julle dit van Hom vra (Matt. 6: 7-8).

Ons Vader wat in die hemel is,
hoe groot is u genade dat ons U Vader mag noem!
Ons buig voor U liefde
wat van sondaars U kinders maak.
Laat U Naam geheilig word,
laat ons lewe strek tot verheerliking van U Naam
sodat ons saam met die engele U heiligheid kan bely.
Laat U koningkryk kom, in my hart, o Meester.
Heers daar deur U Heilige Gees,
Maak my 'n betroubare getuie
van U reddende genade
sodat die wereld sal weet dat U mense red
vir U koningkryk.
Laat U wil op die aarde geskied.
Dit is soms moeilik om U wil te ken -
en te begryp, Here.....
Neem daarom beheer oor van my lewe
en lei my na U wil.
Net soos in die hemel -
totdat elke knie voor U buig en elke tong bely:
Christus is die Here!
Tot heerlikheid van die God die Vader!
Skenk ons dit wat ons waarlik nodig het
om van te leef.
Vergeef ons ons oortredings,
nie omdat ons dit verdien nie,
maar omdat U liefde so groot is.
Help ons daardeur om die te vergewe
wat teen ons oortree.
Laat ons nie in die versoeking kom nie,
maar verlos ons van die Bose.
Hou ons staande teen die versoekings
deur die krag van Jesus Christus.
Aan U behoort die koningkryk en die krag
en die heerlikheid
tot in ewigheid.

AMEN

Vrede tot volgende keer
Gabriel

KERKPLEIN

2010-02-18T05:13:00.000-08:00

KERKPLEIN

Gebed

2010-02-17T21:33:00.000-08:00

Gebed is ins sterkste wapen teen die bose.

In Efesiers 6 herinner Paulus ons daaraan dat ons stryd nie teen vlees en bloed is nie, maar teen die bose magte in hierdie wereld. Die bose magte wat ons in verskeie mense se optrede sien. Magte wat maak dat een seun 'n ander een met 'n swaard dood maak en 'n hawelose man doodskop en 'n bergie op 'n kerk se se stoep aanrand en weer en weer terugkom totday hy dood is. Magte wat maak dat jong tieners hulle oorgee aan drank en dwelms en onbeskermde seks.

Die bose magte wat my daartoe bring om te swig voor die versoeking om dinge te doen wat ek weet ek nie behoort te doen nie, maar ook wat my keer om die dinge te doen wat ek weet ek behoort te doen. Ek weet nie presies hoe om hierdie mag te beskryf of te definieer nie, maar een ding weet ek en dit is dat daar iets is wat maak dat ek nie die goeie dinge wat ek graag wil doen nie, en dan weer die slegte dinge wat ek nie wil doen nie, doen. Efesiers noem dit die bose magte van die lig.

Efesiers 6 vertel vir ons van al die wapens wat tot ons beskikking is in hierdie stryd. Dan sluit hy dit alles af deur te se: Doen dit alles biddend en smeek God by elke geleentheid deur die Gees. Gebed is ons belangrikste wapen in die stryd teen die bose.

ONS MOET AANHOU BID.

VREDE

Gabriel

Gebed

2010-02-16T22:02:00.000-08:00

Gebed berei ons voor vir God se werk deur ons.

Die aand voor die kruisiging is Jesus saam met sy dissipels in die bovertrek. In Jesus se laaste gesprek met sy dissipels, se Jesus van die belangrikste goed vir sy dissipels. Jesus verduidelik dat Hy en die Vader een is en dat die wat Hom gesien het, ook die Vader gesien het en hoe belangrik die werke is wat Hy gedoen het.

Jesus se vir sy dissipels dat die wat in Hom glo dieselfde dinge sal doen as wat Hy gedoen het. Dan se Jesus twee keer dat Hy alles sal doen wat iemand in Sy Naam vra. Natuurlik verwar mense dit met 'n vrypas om enige iets te vra wat hulle wil en dan te verwag dat die Here Jesus dit sal doen, maar dit is nie hoe die Here dit bedoel het nie.

Nie almal van ons sal iemand wees deur wie die Here wonderwerke doen nie, maar almal van ons kan bid. Almal van ons kan bid dat die Goeie Nuus van Jesus by alle mense dwarsoor die wereld sal uitkom. Almal van ons kan bid en vra dat sy wil sal geskied en sy koningkryk sal kom.

Deur ons gebede word die groot werke van GOD gedoen.

Gebed

2010-02-15T22:08:00.000-08:00

Gebed help ons om God se wil te ken.

Wanneer Jesus op die punt staan om die twaalf dissipels te kies, bid Hy die hele nag deur sodat Hy die mense kan kies wat die Vader self op die span sou wou sien. Na die nag van gebed kies Jesus 'n vreemde span.
Hy kies 'n man wat sou twyfel die eerste keer toe hy teenstand kry; Hy kies 'n man wat sou weghardloop wanneer Jesus hom die nodigste sal he; Hy kies 'n man wat Hom later sou verraai vir 'n paar stukkies silwer.
Hy kies nie die span wat Hy wil he nie, Hy kies die span wat GOD wil he.
In tye van gebed kom 'n mens agter wat die Here wil he jy moet doen.

VREDE

Gebed

2010-02-14T22:36:00.000-08:00

Gebed help my teen versoekings.

Versoekings het nie net te make met dinge wat ek nie mag doen nie, ek dink dit het eerder te make met die versoeking om nie te doen wat ek weet ek behoort te doen nie. Ek was al in ontelbare baie situasies waar ek geweet het dat ek iemand moet vertel van die Here Jesus, ek kon nie - ek het toegegee aan die versoeking om nie te praat nie.

In die nag voor Jesus se dood is Hy alleen in Getsemane, in gebed. In hierdie oomblikke weet Jesus wat vir Hom wag, hulle gaan Hom gevange neem, martel, verhoor, kruisig en begrawe.

Vir sy dissipels het Jesus 'n waarskuwing, hulle moet bid dat hulle nie in die versoeking sal kom nie. Die versoeking om te maak of hulle Hom nie ken nie wanneer die gevaar dreig.

Jesus is ons voorbeeld. In Getsemane bid Hy so intens dat sy sweetdruppels soos bloed op die grond val. Hy bid dat Hy ook nie sal toegee aan die versoeking om nie God se wil te doen nie.

So as jy weer voor enige versoeking staan, bid en vra die Here om jou help. Wanneer die stemmetjie jou aankla oor iets wat jy gaan doen of reeds gedoen het, gaan op jou knie en bid dat die Here jou moet help en vergewe.

Tot volgende keer.
VREDE

Gebed

2010-02-11T23:09:00.000-08:00

Soos ek gister belowe het, hier is dit.

Ek gaan die volgende paar dae konsentreer op gebed. Sonder gebed beteken jou geloof vir jou as christene niks.

Die vraag wat jy vir jouself moet vra is: HOEKOM MOET EK BID?
Met hierdie vraag wat in my gedagtes maal het ek goedgedink om vyf aspekte van gebed te bespreek wat ek in my gebedslewe nodig het om te dryf in die stormagtige tye.

Die eerste aspek is:
Gebed bou my persoonlike verhouding met die Here.
Christenskap gaan nie in die heel eerste plek oor reels en wette wat ek moet gehoorsaam of 'n studie om te weet wat vir God aanvaarbaar is en wat nie, dit gaan in die heel eerste plek oor 'n verhouding - 'n liefdesverhouding tussen God en 'n mens en sy kerk en sy wereld.

Vir die voorreg om in hierdie liefdesverhouding met God te mag leef, leef ek dankbaar gehoorsaam, op soek na sy wil vir my lewe. Ek wys my liefde en my lojaliteit aan Hom deur te doen wat Hy wil he. Dankbare gehoorsaamheid is my reaksie op God se genade. In eerlike en met 'n oop hart in gebed bellef ek die dieptepunt van hierdie persoonlike verhouding met God.

Tot volgende keer. Dan gee ek die volgende aspek, nl. Gebed help my teen versoekings.

Daaglikse putkos vir die honger siel.

2010-02-11T00:44:00.000-08:00

Hallo alle afrikaanse bloggers. Ek gaan voortaan my gedagtes rondom my ervaring en die rondom my in hierdie blog uitleef. Dit sal gaan oor dagstukkies uit verskeie outoriteite en my eie ervarings. Jy is welkom om jou gedagtes met ons te deel. In kort gaan hierdie blog hoofsaaklik oor christene en hul ervarings uit die woord van GOD. Ek sal sekere onderwerpe bespreek en sal ook as daar versoeke is daarop reageer.

ONTHOU: Ons hemelse Vader neem nooit iets van sy kinders weg sonder die bedoeling om aan hulle iets beters te gee nie. Jou besluit moet nie wees om sukses te behaal nie, maar om die regte ding te doen. Die res berus by GOD,GOD se wil vir my en jou.